Tuesday, 27 December 2011

പ്രണയം


കപടമാ  വിഷം നുകര്‍ന്ന നിമിഷം ,
ഇടറിയ തൊണ്ടയി
ലസഹ്യമിതെന്തോ  കുരുങ്ങി !
'അരുതെ'ന്ന  നിശ്വാസമാകാം,
അതോ മതുരിക്കുമോര്‍മ്മ തന്‍  ചവര്‍പ്പോ?
കണ്ണിരിനണ പൊട്ടും മുന്‍പേ
ബണ്ടുകള്‍ കെട്ടി ,
ചങ്കിലെ  ച്ചുടുകട്ടയില്‍ കോരിയൊഴിച്ചു.
ചുണ്ടില്‍ വിളറിയ ചെറുസ്മിതം വെച്ചുകെട്ടി
തിരികെയലസമായ് നടന്നപ്പോളറിഞ്ഞു .
പാതി പകുത്ത ഹൃദയത്തിന്റെ
പ്രണയ മോന്തായം തകര്‍ന്നപ്പോളുണ്ടായ
ഉള്ളു പൊള്ളുന്ന നോവാണെന്ന്. 


Saturday, 24 December 2011

ശസ്ത്രക്രിയ


അവസാന നിമിഷം അടുത്തു .

ഒരാളെങ്കിലും രക്ഷ പ്രപിച്ച്‌ചേങ്കില്‍!

മലര്‍ന്നു കിടന്ന ഉത്തര കടലാസിന്റെ

ഹൃദയമമര്‍ത്തി പിടിച്ചു

തലങ്ങും വിലങ്ങും പരിശോടിച്ചുകൊണ്ടു

മുകളില്‍ നിന്ന് ശസ്ത്രക്രിയ തുടങ്ങി .

പരിശ്രമം വ്യര്‍ത്ഥമാണെന്നറിഞ്ഞിട്ടു

മോര്‍ത്തുനോക്കി : മുന്‍പരിചയമില്ല !

നാഴികകള്‍ ജെറ്റ് പോലെ പാഞ്ഞു .

വെട്ടിയും കുത്തിയും വൃത്തി

കെട്ടാ ശരീരം ട്വയിന്‍ ഉപയോകിച്ച് കെട്ടി .

'21 ' 'ടൈ കെട്ടിയ  കാലന്‍' വിളിച്ചു .

'ദയവായി  ഒരു നിമിഷം .

ഒരു ക്ഷണം കൂടി മാത്രം '

കൂര്‍ത്തൊരു നോട്ടത്തോടാ

രോഗിയെ വലിച്ചെടുത്തു 'കാലന്‍'.

പുറത്തു കടന്നപ്പോള്‍ പലരും തിരക്കി :

'ഓപ്പറെഷന്‍?'

'മരിച്ചു .'

'ഇന്നും അതെ കൈപിഴ ?'

നെടുവീര്‍പ്പോടെ :

'അതെ, സോശ്യലിനെ പോലെ മാറ്റ്‌സും

ശ്വാസംകിട്ടാതെ മരിച്ചു !'    

Monday, 28 November 2011

മരണക്കുറിപ്പ്


കാമുകി (മിനി കഥ )

മറന്നുവെച്ച ഹൃദയം പോലും തിരിചെടുക്കാതെ
മരണം വമിക്കുന്ന താഴ്വരയില്‍ രാപ്പാര്‍ക്കാൻ കൂടെ ചേര്‍ത്തിരുന്നെങ്കില്‍ ...അറുതിയില്ലാത്ത കാത്തിരുപ്പിനോടുക്കം രാവിന്‍റെ കരിമ്പടത്തിനുള്ളില്‍ ശയിക്കാന്‍ ദേഹിയെ മാത്രം ക്ഷണിച്ചിട്ടും നീ വിസമ്മതി
ച്ചു! ഒടുക്കം കടമാകളെല്ലാം തീർത്തു വച്ച് കവാടങ്ങൾ കൊട്ടിയടച്ചു ഈ ക്ഷണം എന്നിലേക്ക്‌ മാത്രമായ് ആവാഹിച്ചെടുക്കുകയാണ് ... എനിക്കും നിനക്കുമിടയിലെ മരണമെന്ന ദൂരത്തെ മറികടന്നു കൊണ്ട് !

ഇന്ന് കാലത്തിന്‍റെ ദാഹമകറ്റാന്‍ വെമ്പുന്ന മിഴികളില്‍ വിരഹിണിയുടെ നിരാശകളില്ല. മറിച്ച്‌ കൈ മറഞ്ഞതെന്തോ തിരികെ ലഭിച്ചതിന്‍റെ സംതൃപ്തി മാത്രം .

കെട്ടുപിണഞ്ഞ കുടൽമാലകളിൽ നിന്നുതിരുന്ന രക്ത തുള്ളികളില്‍ എനിക്ക് കാണാം ആ വിളറിയ മുഖവും മടങ്ങി യെത്താൻ കൊതിക്കുന്ന പുഞ്ചിരിയും . ഈ ലഹരിയുണര്‍ത്തുന്ന വേദനയിലും മരിക്കുകയല്ല, ജീവിക്കുകയാവും നീ ...

എന്ന് സ്വന്തം യക്ഷി

Tuesday, 8 November 2011

പലായനം













യുവത്വം വറ്റിയ മനസുമായ് ആശുപത്രി കിടക്കയിലെ വിരസതയില്‍ നിദ്ര പൂണ്ടപ്പോള്‍; ഇരുട്ട് വെളിച്ചത്തെ വിഴുങ്ങിയ ന്നഴികയില്‍ കാല്ചിലമ്പിളക്കാതെ നന്ദ്യാര്‍വട്ടവും ചൂടി നീലപ്പനയില്‍ നിന്ന് വാതില്‍ പഴുതിലുടെ ഒളിച്ചു കടന്ന അവള്‍ മാറാരോഗിയായ യുവാവിന്റെ രക്തമൂറ്റി കുടിച്ചിരിക്കുന്നു. ശിരസില്‍ ലഹരി മുറുകും വരേയ്ക്കും കുടിച്ചു ! പക്ഷെ , അപ്പോഴേക്കും ശുന്യതയിലേക്ക് ഒളിച്ചോടിയ രോഗി , ചുണ്ടില്‍ ദ്രംഷ്ടകളുള്ള ഉന്മത്തയായ സുന്ദരിയെ രോഗക്കിടക്കയില്‍ തളച്ച് നീലപ്പനകള്‍ തേടി പലായനം ചെയ്തിരുന്നു .  

അപൂര്‍ണ്ണമീ വരികള്‍

കോറിയിട്ടു  പലവട്ടം !

കറുപ്പിലും  നീലയിലും  മാറിമാറി

പക്ഷെ  അക്ഷരങ്ങള്‍ ,

അവ  ചതുര്‍ദിക്കിലേക്കും  കുതറിയോടി .

നിസ്സഹായനായോരൂമയെ   പോലെ

യറ്റുപോയാശയങ്ങളുറ്റുനോക്കി.

ചരിച്ചും  തിരിച്ചുമെഴുതി,

ഉരുട്ടിയും  പരത്തിയുമെഴുതി ,

പേനകള്‍ മാറ്റി നോക്കി   

കൈപ്പടയും .

പിന്നെയും  അപൂര്‍ണ്ണം!

ഒടുവില്‍ ,  മഷിക്കുപ്പികളെറിഞ്ഞുടച്ച്  

രണം നിറച്ച പേന കൊണ്ടെഴുതി :

രക്തദാഹികളായ  താളുകളെ കുറിച്ച്


Sunday, 4 September 2011

makeup kit പ്രണയ കഥ













ക്യൂട്ടെക്സ്  ലിപ്സ്റ്റിക്കിനോട്  പ്രണയാഭ്യർത്ഥന നടത്തി ! ഇതു കണ്ടു ആധി കയറിയ ഐലൈനർ , ലിപ്സ്റ്റിക്കിന്റെ തറവാട്ടിലേക്ക് വിവാഹാലോചനയുമായ് മൂന്നാനായ മസ്കാരയെ അയച്ചു, ഒരു മുഴം മുൻപേ എറിഞ്ഞു .
എങ്കിലും   ലിപ്സ്റ്റിക്കിന് ക്യൂട്ടെക്സിനോടോ  ഐലൈനറിനോടോ യാതൊരു പ്രത്യേക താൽപ്പര്യവും ഉണ്ടായിരുന്നില്ലെന്ന് മാത്രമല്ല അവൾ പണ്ട് മുതൽക്കെ പ്രണയിച്ചത് ചുവന്ന കുങ്കുമ പൊട്ടിനെ മാത്രമായിരുന്നു . പക്ഷെ ' Revlon ' തറവാട്ടിലെ പുന്നാര പെങ്ങൾ ധരിദ്രവാസിയും മുരടനുമായ കുങ്കുമത്തിൽ ആകൃഷ്ടയായ വിവരം ഒരു പരസ്യമായ രഹസ്യമായത് കൊണ്ട് കാട്ടുതീ പോലെ പ്രതികൂലികൾ കത്തിപടർന്നു.

അതുകൊണ്ട് തന്നെ ഇടവക വികാരി rev ഫാദർ : 'Foundation' ലിപ്സ്റ്റിക്കിൻറെ  പിതാവായ ലിപ്ഗ്ലോസ്സിനോട് വിശദീകരണം തിരക്കി . പൊതുവെ അഴകൊഴമ്പനായ അയാൾ പിടികൊടുക്കാതെ വരാലിനെ പോലെ വഴുതിയതിനാൽ വിഷയം നാട്ടുകൂട്ടത്തിന് വിട്ടു  .

കുടുംബ പാരമ്പര്യം , സാമ്പത്തികം , പ്രായം തുടങ്ങി ജാതകമടക്കം ഒത്തു നോക്കിയപ്പോൾ ചേരേണ്ടവയിലെല്ലാം വലിയ തോതിൽ വൈരുദ്ധ്യം വന്നത് കൊണ്ട് zero  size സുന്ദരിയെ, കുങ്കുമ പൊട്ടിന്റെ തയമ്പ് വീണ കൈകളിലെൽപ്പിക്കാതിരിക്കാൻ അന്നത്തെ vote n talk ൽ എതിർപ്പുകളുടെ ഗ്രഫ്  പൊന്തികൊണ്ടെ ഇരുന്നു . അവരുടെ കുടുംബങ്ങൾ തമ്മിൽ loreal ഉം lakme ഉം പോലെ കടുത്ത ശത്രുതയിലായിരുന്നെകിലും ലിപ്സ്റ്റിക് കുങ്കുമത്തെ വിട്ടുകൊടുക്കാൻ വിസമ്മധിച്ചു.

പക്ഷെ അവളുടെ ഇളയ സഹോദരൻ ലിപ് ലൈനർ ചിതലെടുത്ത ആമാടപെട്ടിയിലെക്കയക്ക്‌ തന്റെ പുന്നാര പെങ്ങളെ കെട്ടിച്ചയക്കുവാൻ ഒട്ടും തന്നെ തയ്യാറായിരുന്നില്ല .
മാത്രവുമല്ല  ആ നശിച്ച തറവാട്ടിലെ കെട്ടിലമ്മ കണ്മഷിയെ അവൻ പെരുവിരൽ മുതൽ മുടിതുമ്പ് വരെ വെറുത്തിരുന്നു . എഴുതിയാൽ പരക്കുന്ന കണ്മഷി  ഒരുവൾ കാരണമാണ്  ഐപെൻസിലുമായുള്ള തൻറെ വിശുദ്ധ  പ്രണയം തകരാൻ കാരണമായത് എന്നവൻ ഉറച്ചു വിശ്വസിച്ചു  .ലിപ് ലൈനർ  ആളൊരു വിപ്ലവകാരിയായത് കൊണ്ട്  തൻറെ സുഹൃത്തുക്കളായ പാൻ കേക്കിനെയും ഐഷാഡോയെയും കൂട്ടി പോടിഞ്ഞടർന്ന പെട്ടിയിൽ നിന്ന് കുങ്കുമത്തെയും  കുടുംബാഗങ്ങളെയും അടിച്ചിറക്കി , sticker പൊട്ടിനെ പ്രതിഷ്ടിച്ചു . എന്നിട്ട് വിവാഹവും നടത്തി .

ലിപ്സ്റ്റിക്കിന്  നന്മ വരുന്നത് മാത്രമേ ഇതുവരേക്കും അവളുടെ കൊച്ചനിയൻ പ്രവർത്തിച്ചിട്ടുള്ളൂ . മാത്രവുമല്ല നിർമല പ്രണയിനിയായിരുന്ന അവൾക്കു അപ്പോഴേക്കും കുങ്കുമത്തെ മടുത്തിരുന്നു . കാരണം ഒരൊറ്റ നിറത്തിൽ മാത്രം കാണുന്ന മഴയിൽ ഒലിച്ചിറങ്ങുന്ന കുങ്കുമത്തെക്കാൾ എത്രയോ ത്രില്ലിങ്ങാണ്  ആവശ്യാനുസരണം  മാറ്റി മാറ്റി കുത്താവുന്ന  new  buddy sticker bindhi

Tuesday, 30 August 2011

ഉറുമ്പ്










ഇല്ല , വഴിയേതുമേ പിഴച്ചതില്ല !

താങ്ങായ്കിലേറെ  ഭാരവും പേറി

കാതങ്ങള്‍ക്കകലെ നിന്നോരീ യാത്രയില്‍

വഴിയിതിലെതുമേ പിഴച്ചതില്ല.

രാക്ഷസക്കാലടിയമര്‍ന്ന ക്ഷണത്തിലും,

ചുഴലിയില്‍ ജീവന്‍ പറഞ്ഞു പൊയ്‌പ്പോകിലും ,

ഇടറാത്തോരീ കാലടികള്‍ക്കിനിയുമറിവീല

യടയാളമെല്ലാം   മറഞ്ഞോരീ

പടവിലൂടെ  പിന്തുടരാന്‍!


Tuesday, 28 June 2011

രാത്രി വണ്ടിയില്‍


മരണമണി മുഴങ്ങുന്ന രാത്രി വണ്ടില്‍
ഞാനൊരു ബന്ധിത.
നിശയുടെ നീലിമ മറഞ്ഞൊരാ 
രാവില്‍ പാതയില്‍  നില്പു ഞാന്‍  തനിയെ
ഒരുമാത്ര തന്‍ പഴുതിലെങ്ങോ  മായ്ഞ്ഞ
നിഴലിനെ കൂട്ടാതെ ,
ജിവിതം മുഴുവന്‍  പെറിയ
വിഴുപ്പോഴിയാതെ ,
ഈ  മരണവണ്ടില്‍ ഞാന്‍ തനിയെ
അരണ്ട ചാന്ദ്ര വെളിച്ചത്തില്‍
ഞാന്‍ കണ്ടു :
തെക്കേ തോടില്‍ വേവുമെന്‍ ദേഹവും
അകലെ നിന്നെത്തി നോക്കും നിഴലും