ഇടറിയ തൊണ്ടയി
ലസഹ്യമിതെന്തോ കുരുങ്ങി !
'അരുതെ'ന്ന നിശ്വാസമാകാം,
അതോ മതുരിക്കുമോര്മ്മ തന് ചവര്പ്പോ?
കണ്ണിരിനണ പൊട്ടും മുന്പേ
ബണ്ടുകള് കെട്ടി ,
ചങ്കിലെ ച്ചുടുകട്ടയില് കോരിയൊഴിച്ചു.
ചുണ്ടില് വിളറിയ ചെറുസ്മിതം വെച്ചുകെട്ടി
തിരികെയലസമായ് നടന്നപ്പോളറിഞ്ഞു .
പാതി പകുത്ത ഹൃദയത്തിന്റെ
പ്രണയ മോന്തായം തകര്ന്നപ്പോളുണ്ടായ
ഉള്ളു പൊള്ളുന്ന നോവാണെന്ന്.
No comments:
Post a Comment